Sunday, December 1, 2019

కృష్ణ శతకం (Krishna Shathakam) - 82

కృష్ణ శతకం (Krishna Shathakam) - 82

చుక్కల నెన్నగ వచ్చును
గ్రక్కున భూరేణువులను గణుతింపనగున్‌
జొక్కపు నీ గుణజాలము
నక్కజమగు లెక్కపెట్ట నజునకు కృష్ణా!


తాత్పర్యం:
ఆకాశంలో నక్షత్రాలను, భూమిపై ధూళిరేణువులను ఎంత కష్టమ్మీదైనా సరే, ఎంతో కొంత లెక్కించగలమేమో. కానీ, అనంతమైన శ్రీకృష్ణ పరమాత్మలోని సద్గుణాలను లెక్క పెట్టడం ఎవరి తరమవుతుంది! ఇది ఆఖరకు ఆ బ్రహ్మకైనా సాధ్యం కాదు. అలాంటిది మానవ మాత్రులం మేమెంత స్వామీ!

1 comment: